Слушнав во 1943 г.

После Скратувањето (цимцум алеф) деветте први сфирот (тет ришонот) станале место на Светоста, а Малхут, на која што било извршено скратувањето, создала место за световите, кои се составени од:

1.  Празен простор (маком халал) – место за клипот, егоистичките желби „за себе“;

2.  Место на слободен избор (маком пануј) – слободно за внесување во него на она што ќе го избере човекот – светоста, или не дај Боже, спротивното.

До Скратувањето целиот универзум бил исполнет со една едноставна Светлина. Дури после скратувањето се појавила можноста за избор – да се прави добро или лошо.

Ако се избере добро, тогаш на тоа место се спушта Вишата Светлина, за што има кажано Ари, дека Светлината на Бесконечноста им свети на пониските. Бесконечност се нарекува желбата на Создателот да ги наслади битијата. И иако има многу светови, 10 сфирот, многу имиња, сепак сè произлегува од Бесконечноста наречена „Замисла за битијата“.

Името на секоја сфира или свет укажува на посебноста при распространувањето на Светлината од Бесконечноста преку одредена сфира или свет. Работата е тоа понискиот не е во состојба да прими Светлина без претходна подготовка и поправање, кои ќе го направат способен да ја прими таа Светлина. Поправањата кои човекот мора да ги помине, за да може да прима Светлина одозгора, се нарекуваат „сфирот“.

Значи, во секоја сфира е вклучено свое поправање. Затоа има многу поправања кои постојат само во однос на оние кои примаат Светлина одозгора, бидејќи понискиот прима Светлина од Бесконечноста со помош на тие поправања, кои го приспособуваат за примање. Во таа смисла се вели дека тој прима Светлина од определена сфира. Меѓутоа, во самата Светлина не постојат никакви промени.

Одовде треба да сфатиме зошто со својата молитва кон Создателот се обраќаме кон Светлината на Бесконечноста, наречена Света, Благословено да е Името Нејзино, бидејќи тоа е врската меѓу нас и Создателот, наречена „Негова желба да ги наслади битијата“. И иако во намерата на молитвата има вклучено многу имиња, смислата е во тоа што Светлината се спушта и ги исполнува пониските со помош на поправањата кои се наоѓаат во имињата, затоа што токму заради поправањата кои се наоѓаат во имињата, Светлината може да се престојува во пониските.

Следна статија бр 74 „Свет, година душа“