Слушнав на крајот од празникот Рош Ха Шана (1942 г.), во Ерусалим

Значењето на обичајот да не се јадат ореви за Нова Година е поради тоа што гематријата (бројната вредност) на зборот „орев“ одговара и на зборот „грев“. Се поставува прашањето дали „орев“ според својата бројна вредност одговара и на зборот „добрина“.

Баал ХаСулам објаснува дека „орев“ го симболизира Дрвото на Познанието на доброто и лошото и додека човек не достигне враќање кон Создателот заради љубов, за него орев означува „грев“. А оној кој се удостоил со враќање кон Создателот со љубов, ги претвора своите гревови во заслуги и она што било грев, за него се претвора во добрина. Тогаш тој може да јаде ореви.

Затоа треба да се внимава и да се јаде таква храна, која не сугерира на грев, односно да се јадат само плодови од Дрвото на Животот. Плодовите пак, чија што гематрија е поврзана со грев, сугерираат на Дрвото на Познанието на доброто и лошото.